انت مش راجل

أول واحد قالى الكلمه دى كان واحد قريبى ساعتها داخل وانا بتكلم مع امى وبنت خالتى وكنت بقولهم ان انا عندى وقت كتير بعد الشغل هستغله فى انى اتطوع فى مبادرة بتتكلم عن التحرش الجنسى وهننزل نوعى الناس ونقولهم ان التحرش ده حاجه مينفعش نسكت عليها.

راح داخل الذكر المصرى الاصيل ده الى هوا قريبى وقالى تحرش ايه يابنى الى مينفعش نسكت عليه. دا الا لو انت عندك مفهوم عن التحرش غير بتاعنا يعنى ؟ قولتله التحرش كلمه مفهومه اوى وملهاش اى مفهوم غير انها كلمه بتوضح انك بتعمل حاجه غصب عن حد وبتتعدى على مساحته الشخصيه.

قالى يا حبيبى دا مش في مصر مساحه شخصيه ايه الى بتتكلم عليها انت مبتشوفش البنات عاملين ازاى؟ لما واحده تبقى لابسه لبس مش مناسب للقيم بتاعتنا يبقى هيا!! الى تستاهل ان الناس تتحرش بيها وتتعدى على مساحتها الى مبقتش شخصيه! قال لى يعنى انت مثلا عمرك ما اتحرشت ببنت؟ قلت له عمرى ما تحرشت بحد.

قال لى دا انت حتى مصور يعنى مفيش مسكة ايد كده اى حاجه من الحجات دى قولتله لاء وكمان انا عندى صحابى بنات بيخشو يغيرو روول الورق بتاع البرنتر معايا فى اوضه متر فى متر ضلمه ومبيحصلش حاجه ساعتها راح قايلى يبقى انت كده مش راجل ولازم تروح تكشف أبقى اكشفى على ابنك يابتسام (أبتسام تبقى امى ) وراح ضاحك ومشى. قالى يعنى لما بتشوف واحده حلوه مبتعكسهاش قولتله لاء.

الحوار ده هفضل فاكره طول حياتى هفضل فاكر قريبى الى مش راجل الى مش عارف يتحكم فى غرايزه الى بالظبط زى الحيوانات.

facebooktwitterlinkedin Sharing is Caring - شير في الخير

Leave a Reply

Your email address will not be published. Required fields are marked *